Состојки (за 4 лица):

• 400 г буковки
• 1 главица кромид
• 1 морков
• 2 компири
• 2 лажици масло
• 1 лажица брашно
• 1,5 литар вода или зеленчукова супа
• 2 лажици павлака (по желба)
• сол, пипер, ловоров лист, магдонос

Подготовка: Во тенџере загрејте го маслото и пропржете ги ситно сецканиот кромид и изренданиот морков. Додадете ги исецканите печурки и пржете околу 5 минути. Посипете со брашно, промешајте и налејте ја водата. Додадете ги компирите исечени на коцки, ловоровиот лист, сол и пипер. Варете на тивок оган околу 20 минути, додека компирите не омекнат. На крајот, по желба, вмешајте ја павлаката и посипете со магдонос.

Чорбата е уште повкусна ако ја оставите да одстои десетина минути пред служење.