Состојки (за 4 лица):

• 600 г поголеми буковки
• 2 јајца
• 100 г брашно
• 150 г презла
• сол, пипер, малку слатка пиперка
• масло за пржење

Подготовка: Исчистете ги печурките и оставете ги во поголеми парчиња. Посолете ги лесно. Во една чинија ставете брашно, во втора изматени јајца со сол и пипер, а во трета презла со малку слатка пиперка. Секоја печурка тркалајте ја прво во брашно, па во јајце и на крај во презла. Пржете ги во загреано масло по 2 до 3 минути од секоја страна, додека не станат златни. Ставете ги на хартиена крпа за да се исцеди вишокот масло.

Служете ги со тартар сос, лимон или свежа салата.